Amerika-O'zbekiston savdo palatasi ijrochi direktori Yelena Son 5-yubiley Toshkent xalqaro investitsiya forumi doirasida bo'lib o'tadigan "Turizmga investitsiyalar" mavzusidagi panel sessiyasida ma'ruzachi sifatida ishtirok etadi.

Ushbu sessiya O'zbekistonning boy sayyohlik salohiyatini xalqaro sarmoyadorlar va ishbilarmon doiralarga namoyish etishga qaratilgan. Asosiy e'tibor hududlarda yangi loyihalarni amalga oshirish hamda xorijiy hamkorlar bilan uzoq muddatli aloqalarni rivojlantirishga qaratiladi.

Muloqot davomida muvaffaqiyatli xalqaro tajriba, innovatsion yondashuvlar va barqaror turizmni rivojlantirishning zamonaviy tendensiyalari tahlil qilinadi. Sessiya sarmoyadorlar, biznes vakillari va davlat idoralari o'rtasida sohada yangi hamkorliklarni yo'lga qo'yish uchun samarali muloqot maydoni vazifasini o'taydi.