BMTning Osiyo va Tinch okeani bo'yicha iqtisodiy va ijtimoiy komissiyasi (UN ESCAP) iqtisodchisi Tom Bekker TIIF-2026 doirasidagi Markaziy Osiyo investitsiyalarni rag'batlantirish agentliklari davra suhbatida moderatorlik qiladi.

"Qo'shma investitsiyalarni ilgari surish uchun mintaqaviy platforma yaratish" mavzusiga bag'ishlangan ushbu uchrashuvda agentliklarning o'zaro hamkorlik mexanizmlari, umumiy rag'batlantirish vositalari hamda investorlar bilan ishlash bo'yicha samarali yechimlar muhokama qilinadi. Mintaqaviy muvofiqlashtirishni kuchaytirish orqali Markaziy Osiyoni xalqaro biznes uchun yanada jozibador, ishonchli va yagona investitsiya maydoniga aylantirish imkoniyatlari sessiyaning bosh mavzusi etib belgilangan.