CPCS kompaniyasi vitse-prezidenti Endryu Buffard 5-yubiley Toshkent xalqaro investitsiya forumi doirasida bo'lib o'tadigan "O'rta yo'lak: o'tkazish qobiliyati, o'zaro to'ldiruvchanlik va yangi savdo yo'nalishlari iqtisodiyoti" mavzusidagi panel sessiyasida ma'ruzachi sifatida ishtirok etadi.

Transkaspiy xalqaro transport yo'nalishi jahon logistikasida o'zining strategik ahamiyatini tobora oshirib bormoqda. Muloqot davomida tranzit qobiliyatini kengaytirish, tariflarni uyg'unlashtirish, multimodal infratuzilmani rivojlantirish hamda muqobil tranzit yo'laklari bilan o'zaro to'ldiruvchanlik masalalari atroflicha muhokama qilinadi.

Shuningdek, Global Gateway tashabbusi doirasida moliyalashtirish, savdo jarayonlarini soddalashtirish va yangi logistika aloqalari iqtisodiyotiga alohida e'tibor qaratiladi.