One Law Partners LLC yuridik firmasi hamkori hamda Koreyaning Mas'uliyatli biznes yuritish bo'yicha milliy aloqa markazi (RBC) vakili Dji Xon O 5-yubiley Toshkent xalqaro investitsiya forumi doirasida o'tadigan "Mas'uliyatli biznes yuritish: IHTT standartlari va investitsion jozibadorlik" mavzusidagi panel sessiyasida ma'ruzachi sifatida ishtirok etadi.

Bugungi kunda Iqtisodiy hamkorlik va taraqqiyot tashkiloti (IHTT) sarmoyaviy standartlariga qat'iy rioya etish institutsional kapitalni jalb qilishning eng muhim shartlaridan biriga aylanib bormoqda.

Muloqot davomida ta'minot zanjirini kompleks o'rganish, Milliy aloqa markazlari mexanizmlari hamda mas'uliyatli biznes yuritish amaliyoti tahlil qilinadi. Shuningdek, ushbu talablarning amalda qanday ishlashi va ularning aniq moliyaviy oqimlarga ta'siri batafsil muhokama qilinadi.