Shu yilning 16–18-iyun kunlari V yubiley Toshkent xalqaro investitsiya forumi (TXIF-2026) bo‘lib o‘tadi. O‘zbekiston Respublikasi Investitsiyalar, sanoat va savdo vazirligi ilk bor forum ishtirokchilari uchun rasmiy platforma negizida qulay raqamli vositalarni joriy etdi. Endilikda interaktiv netvorking, xonalarni onlayn band qilish va logistikani muvofiqlashtirish xizmatlariga ega shaxsiy kabinet interfeysi mehmonlar ixtiyorida bo‘ladi.

Yangi tizimning asosiy imkoniyatlari:

• Biznes-kontaktlar: Kerakli kompaniyalarni tezkor qidirish va topish;
• Chatlar: To‘g‘ridan-to‘g‘ri B2B hamda G2B uchrashuvlarini belgilash va muzokaralar xonalarini band qilish;
• Sessiyalar: Panel munozaralarida ishtirok etishni tasdiqlash.

Logistika jarayonlarini muvofiqlashtirish uchun ishtirokchilar transfer xizmatidan foydalanish maqsadida o‘z aviareyslari haqidagi ma’lumotlarni profillariga kiritishlari kifoya. Forum kunlari mehmonxonalar va CAEx majmuasi o‘rtasida shinam shatllar muntazam qatnovi yo‘lga qo‘yiladi. Shaxsiy sahifaning o‘z vaqtida faollashtirilishi TXIF-2026 taqdim etayotgan barcha imkoniyatlardan to‘liq bahramand bo‘lishni ta’minlaydi.