2026-yil 16–19-iyun kunlari Toshkentda 5-Toshkent xalqaro investitsiya forumi (TXIF-2026) boʻlib oʻtadi. Bu Markaziy Osiyodagi yetakchi investitsiya platformasi boʻlib, investorlar, davlat organlari vakillari, xalqaro moliya institutlari va jahon biznesi yetakchilarini birlashtiradi.

🟠 Forum TXIF-2025ning muvaffaqiyatli tajribasiga tayanadi — unda 8 000 dan ortiq ishtirokchi, jumladan 97 mamlakatdan qariyb 3 000 xalqaro mehmon qatnashgan. Ishbilarmonlik dasturi 150 dan ortiq xalqaro ma’ruzachilar ishtirokida 36 ta panel sessiyani o‘z ichiga olgan. Natijada umumiy qiymati 30,5 milliard AQSh dollaridan ortiq bo‘lgan investitsiya bitimlari va savdo shartnomalari imzolangan.

🟠 Yevropa tiklanish va taraqqiyot banki (EBRD), Linde, Knauf, Mangold Consulting, Al Jazeera va boshqa kompaniyalar rahbarlari O‘zbekistondagi islohotlarning izchilligi, investitsiya muhitining yaxshilanayotgani hamda ishlab chiqarish salohiyatining kengayayotganini alohida ta’kidladilar..

🟠 TXIF amaliy yechimlar platformasi sifatida mustahkam o‘rnashib, yuzlab B2B va B2G uchrashuvlarini o‘tkazish, sanoat ko‘rgazmasini tashkil etish va aniq loyihalarni ishga tushirishga hissa qo‘shdi. Yubiley forumi erishilgan natijalarni mustahkamlash va investitsiyaviy muloqotni yangi bosqichga olib chiqishga qaratilgan.

🟠 Ro‘yxatdan o‘tish boshlandi